«Партизанның» экс-ойыншысы «Тобылдың» КЛ плей-офф кезеңіне шығу мүмкіндігін бағалады

«Ақтөбе» мен «Партизанның» сербиялық бұрынғы тіректі жартылай қорғаушысы Милан Радин ASnews.kz сайтына берген сұхбатында қостанайлық «Тобыл» мен белградтық клуб арасындағы Конференция лигасының үшінші іріктеу кезеңіндегі қарымта матч алдындағы күштер арақатынасын бағалады.

«Егер сенсең, мүмкіндік әрдайым бар. «Партизан» футболшылары уақыт айырмашылығына бейімделу үшін жолға екі күн бұрын шықты. Қазір Сербияда өте ыстық, сондықтан ауа райы жағдайлары «Партизан» үшін мәселе тудырмайды», – деді Радин.

Сербиялық хавбек 2016–2017 жылдары «Партизанның» намысын қорғады, одан кейін «Ақтөбе» сапында (2018–2019 жж.) өнер көрсетіп, 42 матч өткізді, бес гол соғып, үш нәтижелі пас берді.

Белградтағы алғашқы кездесу «Партизанның» 3:0 есебіндегі жеңісімен аяқталды. Конференция лигасы іріктеуінің плей-офф раундына шығу үшін өтетін қарымта бәсеке Қостанайда өтеді.

«Партизанның» бас бапкері: «Тобылдың» осал тұстарын білеміз, соған байланысты қысым жасаймыз

«Партизан» футболшысы: «Тобылдың» қолынан не келетінін білеміз

«Тобыл» көшбасшысы Чесноков «Партизанға» қарсы ойын алдында: қателіктерден кейін бір-бірімізді қолдаймыз

«Тобыл» бапкері Конференция лигасында «Партизаннан» есе алу туралы мәлімдеді