«Тобыл» бапкері Конференция лигасында «Партизаннан» есе алу туралы мәлімдеді

«Тобылдың» бас бапкері Мирослав Ромащенко ASnews.kz сайтына берген сұхбатында қостанайлықтардың Конференция лигасы үшінші іріктеу кезеңінің «Партизанға» қарсы қарымта матчына қандай көңіл-күймен шығатынын айтып берді.

Үш доп айырмасын қалай қайтаруға болады?

«Біз тек шабуылды ғана ойламай, бұл ойынға өте сауатты келуімыз керек. Сөзсіз, бұл – басты басымдық, бірақ біз ескеруіміз қажет қарсыластың мықты тұстарын жақсы білеміз. Ең маңыздысы – міндетті түрде болатын шешуші сәттерде батылырақ әрі нәтижелірек әрекет ету».

Сербтер қулыққа барды: ысқырықтан кейін допты теуіп, жейдеден тартты. Неге «Тобыл» өз пайдасына жарайтындай айла-шарғы жасамайды?

«Ислам (Чесноковқа қарата айтты – ред.) растай алады: әрине, біз өз футболшыларымыздан да қолымыздан көп нәрсе келетінін көрсету үшін осындай бағытта әрекет етуді сұрадық. Төрешілердің көбіне біздің пайдамызға шешілмеген мұндай шешімдер қабылдағаны өкінішті.

Неліктен бұлай болғанын талқылағым келмейді, бірақ керісінше болғанда ойын мен нәтижеге басқаша әсер етуі мүмкін сәттер болды. Сонымен қатар, өзіміз де қателіктер санын азайтуымыз керек. Сол қателіктер арқылы біз қарсыласқа сыйлай салдық.

Ертең бірінші минуттан соңғы минутқа дейін зейінді сақтап, нәтижені жұлып алуымыз керек, ал қалай болары бір Құдайға ғана аян», – деді 52 жастағы маман.

Белградтағы кездесу «Партизанның» 3:0 есебіндегі жеңісімен аяқталған еді. Данил Устименко қорғаған қақпаға Демба Сек, Ибрахим Зубайру және Шака Траоре гол соқты.

Плей-офф кезеңінде бұл жұптың жеңімпазы испаниялық «Хетафемен» кездеседі. Ла Лига клубының құрамы 70,5 млн еуроға бағаланып отыр – бұл Қазақстан Кубогының қазіргі иегерлерінің құнынан (10,48 млн) жеті есе қымбат.

Белгілі төреші «Тобылдың» жеңілісі туралы: «Партизан» пенальтиден және екі сары қағаздан аман қалды