Джейми Варди Дастан Сәтпаевтың «Бернлиіндегі» алғашқы уәдесін берді

«Бернлидің» жұлдызды жаңа ойыншысы Джейми Варди еркін агент статусында ауысқаннан кейін клубтың баспасөз қызметіне алғашқы сұхбатын берді. 39 жастағы ағылшын футболшысы жаңа командасы үшін бар күшін салуға уәде берді, деп хабарлайды ASnews.kz.

Шабуылшы Зиан Флемминг «Ипсвичке» кеткендіктен, «Берлни» қатарын толықтырды. Италия чемпионатынан бері жалғасқан дисквалификациясына байланысты Варди «Рексемге» қарсы сырт алаңдағы ойынды жіберіп алды, алайда енді Чемпионшипте дебют жасауға дайын – 12 қыркүйекте «Бернли» сырт алаңда «Суонси Ситиге» қарсы ойнайды.

Бас бапкер Ники Хайен толыққанды маусымалды дайындықтың болмауына байланысты егде жастағы футболшыны әзірге алғашқы минуттардан бастап алаңға шығаруды жоспарлап отырмағанын атап өтті, алайда ойыншының көңіл-күйі өте жоғары.

«Мен «Суонсимен» өтетін матчты асыға күтудемін. Барлығы бас бапкерге және құрамды таңдауына байланысты, бірақ менен не сұраса да, мен жүз пайыз дайын боламын. Ойынның басталуын тағатсыздана күтіп жүрмін және бұл үшін кірпіш қабырғаны бұзып өтуге тура келсе де, 100%-ға бар күшімді салуға уәде беремін», – деді Варди.

Форвард өз жасында жеңіске және футболға деген үлкен құштарлығын сақтап қалғанын баса айтты:

«Бұл – күреске деген шөлдеу сезімі. Мен өзім жақсы көретін іспен айналысып жүрмін – футбол ойнағанды жақсы көремін. Әрқашан былай дейтінмін: аяқтарым маған «жетер енді» деген кезде, мен ақымақ болмай, бірден тоқтаймын. Бірақ формамды сақтап, өзіме күтім жасаймын, аяқтарым әлі де жақсы күйде, сондықтан жеңіске жету үшін қолдан келгеннің бәрін жасаймын».

«Берлни» сапында «Челсиден» жалға алынған Қазақстан ұлттық құрамасының 18 жастағы шабуылшысы Дастан Сәтпаев өнер көрсетеді.

Британдық блогер Сәтпаевқа үндеу жасады: Дастан ағылшын тілінде өте жақсы сөйлейді