«Мартин чемпион боламыз деп сендірді»: Йонсен «Ордабасыға» ауысуы туралы

Шымкенттік «Ордабасының» шабуылшысы Бьорн Йонсен ASnews.kz сайтына берген сұхбатында клубтың ҚПЛ-2026 алтын медалін жеңіп алуына септігін тигізген мақсат-міндеттері туралы айтып берді.

– 2025 жылдың шілдесінде сен Кутаисидің «Торпедосы» сапында «Ордабасыға» екі гол соғып, оларды Конференциялар лигасынан шығарып жібердің. Бір жылдан кейін клубпен келісімшартқа отырдың. Келіссөздер кезінде ол матчты біреу еске алды ма?

– Иә. Бапкер ең алдымен маған: «Тыңдашы, мен сені сол ойыннан есімде сақтап қалдым. Біздің команданы толықтыра алатыныңды сол матчтан бері ойда ұстап жүрдік», – деді. Олар келіссөзді осыдан бастады. Менің де ойымда осы болды – сол ойыннан кейін сенімен Қазақстанға қашан ойнауға келетінім туралы сөйлескен едік қой. Сондықтан бір жылдан соң осындай жағдайдың орын алғаны қызық. Иә, бұл тікелей бапкердің бастамасы болды. Ол дәл осы нәрсе барлығын бастауға көмектескенін айтты. Ал әрі қарай, әрине, мен өзім де келгім келді.

– Андрей Мартин ауысар алдында саған: «Біз чемпионатты жеңеміз», – деді. Сен бірден сендің бе, әлде мұның қаншалықты мүмкін екендігін тексердің бе?

– Иә, турнирлік кестені көргенде... Мен «Ордабасыны» бақылап жүрдім, өйткені олар чемпион атанбас бұрын да мұнда менің достарым болған. Ауро мен Жоржиньо «Ордабасыда» ойнады. Сондықтан мен клубпен келісімшартқа отырмас бұрын да кейде олардың не істеп жатқанын қарап тұратынмын. Және, иә, тарихта қалудың нақты мүмкіндігін тексергенімде, олар сол кезде кестенің көш басында келе жатты. Мен олардың істері қалай жүріп жатқанын көрдім – олар лигада өте үлкен жұмыс атқаруда. Сосын мен оларға чемпионатты жеңуге көмектесетін қосымша серпін бола аламын деп ойладым. Оған қоса, өзіме деген сенімділік те болды. Бірақ командада мұны жүзеге асыратын мүмкіндік нақты болды.

Айта кетейік, Бьорн Йонсеннің трансфері өзін толық ақтады және чемпиондық бәсекеде шешуші факторға айналды. ҚПЛ-2026 маусымында норвегиялық шабуылшы 17 матч өткізіп, 14 гол соқты және үш нәтижелі пас берді.

Еске салайық, «Ордабасы» 29-тур қорытындысы бойынша чемпиондық атаққа мерзімінен бұрын кепілдік берді. Бұл екінші орында келе жатқан алматылық «Қайрат» сырт алаңда «Ақтөбемен» өткен матчта (2:2) ұпай жоғалтқаннан кейін мүмкін болды. Мәреге бір тур қалғанда шымкенттік клуб алматылықтардан төрт ұпайға ұзап, турнирлік кестеде қол жетгізбес деңгейге көтерілді.

Шымкенттің пайдасына шешілді: «Қайрат» «Ақтөбемен» матчта сүрініп, «Ордабасыны» ҚПЛ чемпионы етті