Британдық блогер Сәтпаевқа үндеу жасады: Дастан ағылшын тілінде өте жақсы сөйлейді

Skyeng ағылшын тілі онлайн-мектебінің блогері әрі оқытушысы Джордан Уорсли ASnews.kz сайтына берген сұхбатында Қазақстан ұлттық құрамасы мен «Бернлидің» шабуылшысы Дастан Сәтпаевтың ағылшын тілін меңгеру деңгейіне баға берді.

«Сәтпаевтың ағылшын тілін оқып жүргенне небәрі бірнеше ай болғанын ескерсек, ол тілді тамаша деңгейде меңгерген. Айтар ойы анық түсінікті. Командалас серіктерін тыңдап, тілдік ортаға көбірек сіңісетін болса, алдағы уақытта артикльдерді дұрыс қолдануды, етістіктерді түрлендіруді әрі қарай меңгеріп, сөз қорын тағы да кеңейте түсетініне сенімдімін.

Қалай болғанда да, Дастанның қазірдің өзінде камера алдына отырып, сұрақтарды түсініп қана қоймай, оларға сауатты түрде жауап бере алуының өзі үлкен құрметке лайық. Сәттілік тілеймін», – деді Уорсли.

Сонымен қатар, «Болтонның» жанкүйері «Бернли» форвадына тікелей үндеу жасады:

«Алдағы айларда ағылшын тіліңіз бұдан да сенімді бола түсетініне сенімдімін. Бұл шынымен де құрметке лайық. Клубтағы мансабыңызға сәттілік тілеймін, және сіздің менің «Болтоныммен» кездесетін сәтіңізді асыға күтемін. Come on you whites (клубтың әні/ұраны – ескертпе)!», – деп қосты ол.

Еске сала кетейік, Қазақстан ұлттық құрамасының шабуылшысы Дастан Сәтпаев Англияға осы жазда келген болатын. 18 жастағы «Челси» футболшысы алдағы маусымды Чемпионшип кестесінде 23-орында келе жатқан «Бернли» сапында жалдамалы негізде өткізеді.

Джордан Уорсли – қаралым саны 840 миллионнан асатын танымал ресейлік Skyeng YouTube-арнасының оқытушысы әрі жүргізушісі.

«Сәтпаевқа үлгі болады»: «Бернли» бапкері Джейми Вардидің алдағы дебюті туралы