Ресми: Рафаэль Уразбахтин «Қайраттың» бас бапкері қызметінен кетті

Алматылық «Қайраттың» бас бапкері Рафаэль Уразбахтин өз еркімен қызметінен кету туралы шешім қабылдады. Клуб басшылығы маманның өтінішін қанағаттандырып, отставкасын қабылдады, деп хабарлайды ASnews.kz.

Рафаэль Уразбахтин алматылық ұжымның тізгінін 2024 жылдың қыркүйегінде ұстап, алғашқы маусымында-ақ «сары-қараларды» Қазақстан чемпиондығына жеткізген болатын.

Оның жетекшілігімен 2025 жылы команда Қазақстан Суперкубогын иеленіп, ел біріншілігіндегі алтын медальдарын сәтті қорғап қалды. Сонымен қатар, Уразбахтиннің тұсында «Қайрат» өз тарихында алғаш рет УЕФА Чемпиондар лигасының жалпы кезеңіне жолдама алды. Ал биылғы, 2026 жылғы маусымда команда УЕФА Конференциялар лигасының жалпы кезеңіне шығып, Қазақстан чемпионатының күміс жүлдегері атанды.

Енді негізгі команданы алдағы «Алтайға» қарсы матчқа бас бапкердің міндетін атқарушы ретінде Жора Арутюнян дайындайды. Бұған дейін ол «Қайрат-Жастар» қосалқы құрамын жаттықтырған еді.