«Алаңға шықпай футбол көргім келмеді»: Чесноков «Хартстан» неге кеткенін түсіндірді

«Тобылдың» және Қазақстан ұлттық құрамасының жартылай қорғаушысы Ислам Чесноков шотландиялық «Хартс» клубынан кетуінің басты себебін айтып, жанкүйерлердің сынына жауап берді, деп хабарлайды ASnews.kz.

«Қазақстанға кетердің алдында ешкіммен сөйлеспедім. 16 мамыр күні «Селтикке» қарсы ойын болды. Сол ойыннан кейінгі келесі екі күн бойы қайғы болатынын түсіндім. Демалысқа кетіп қалып, кейін қайтып оралған соң сөйлескен дұрыс болар еді деп ойладым. Кететін кезімде болашағым туралы ештеңе білмедім.

«Хартспен» екі жылдық келісімшартым бар еді. Кетуімнің жалғыз себебі – ойын уақытының аздығы. Кез келген басқа клубта да алаңға аз шықсам, дәл сондай шешім қабылдайтын едім. Мен футбол ойнағым келеді. Алаңға шықпай, тек футбол қарау туралы айтсақ, оны үйде де жасай алатын едім.

Әрине, жанкүйерлер «барыңды салып, еңбек етуің керек еді» деп жазып жатыр. Күнде барыңды салып жұмыс істегеннің өзінде де алаңға шықпауың мүмкін. Осыны түсіну керек. Әрбір нәрсенің себебі бар. Мүмкін, командаға үйлеспеген болармын.

Әлеуметтік желілерде мені «жайлы аймаққа қайтып келді» деп жазыпты. Олай емес, мен жай ғана футбол ойнап, командама көмектескім келді. Қостанайға қайтып келгенде қараша айынан бастап, сегіз ай бойы футбол ойнамағанымды түсіндім», өө деді Чесноков.

Қазақстандық вингер шотландиялық «Хартспен» 2026 жылдың қаңтарында екі жылдық келісімшартқа отырған болатын. 5 ай ішінде 11 ойын өткізіп, бір гол соққан қазақстандық ойыншы клубпен бірге Шотландия чемпионатының күміс жүлдесін ұтып алды.

Ағымдағы жылдың маусымында Чесноков қостанайлық «Тобыл» сапына оралды.

«Қазақстанға оралу үшін Чемпионшиптан бас тартты»: Чесноковтың агенті – Англия тарапынан болған қызығушылық туралы