«Ахмат» шабуылшылары Самородов пен Кенжебек Қазақстан құрамасының жиынына келді

Грозныйлық «Ахматтың» футболшылары Максим Самородов пен Ғалымжан Кенжебек Қазақстанның ұлттық құрамасына қосылды.

Шабуылшылар еліміздің бас командасының оқу-жаттығу жиындары басталған Түркістанға келіп жетті, деп хабарлайды ASnews.kz ҚФФ баспасөз қызметіне сілтеме жасап.

УЕФА Ұлттар лигасының қарашадағы терезесі аясында Қазақстан құрамасы топтық кезеңнің қорытынды екі матчын өткізеді. Жұма, 13 қараша күні қазақстандықтар сырт алаңда Молдова құрамасына қарсы ойнайды – бастапқы ысқырық Қазақстан уақытымен 22:00-де шалынады. Ал дүйсенбі, 16 қарашада біздің құрама Словакияны қабылдайды, бұл кездесудің басталуы сағат 20:00-ге жоспарланған.

Ойналған төрт турдың қорытындысы бойынша Қазақстан құрамасы екі ұпаймен Ұлттар лигасының K тобындағы турнирлік кестені қорытындылап, төртінші орында тұр. Біздің квартеттің көшбасшысы – он ұпай жинаған Словакия. Екінші және үшінші орындарда еншісінде төрт ұпайдан бар Фарер аралдары мен Молдова орналасқан.