«Реалдың» бұрынғы ойыншысының агенті Еуропадағы жас қазақстандық туралы: ол жаңа клубында дамиды

Испаниялық агент әрі аналитик Алехандро Парра ASnews.kz сайтына берген сұхбатында «Кастельондағы» 17 жастағы қазақстандық қорғаушы Шыңғыс Қалиевтің болашағын бағалады.

«Кастельон» – таланттарды дамыту тұрғысынан Испаниядағы ең үздік клубтардың бірі. Сонымен қатар тек жергілікті емес, әлемдік деңгейдегі жастарды да баулиды. Оларда ойыншыларды іріктеудің нақты құрылған моделі бар: басым бөлігі мұқият талдаудан кейін келеді және бұл әр жас санатында сақталған. Шыңғыстың қолынан бәрі келетініне сенімдімін», – деді Парра.

Еске сала кетейік, орталық қорғаушы Шыңғыс Қалиев шілде айында «Кастельонға» ауысқан болатын. Бұған дейін ол «Ертіс» футбол орталығында, «Қайратта», сондай-ақ испаниялық «Сан-Хосе» мен «Левантеде» өнер көрсетті.

Қазақстан жасөспірімдер құрамасының ойыншысы маусымды U-19 командасында бастайды деп күтілуде. Өткен маусымда бұл ұжым үздік бестіктен он ұпайға қалып қойып, тоғызыншы орынға табандаған еді.

Алехандро Парра «Реалдың» бұрынғы жартылай қорғаушысы Серхио Каналес пен «Саутгемптонның» қазіргі қорғаушысы Хуан Лариостың ісін жүргізетін Global Goal агенттігінің өкілі болып табылады.

Хаби Алонсо Австралиядағы «Челси» жастарына таңдай қақты: олардың арасында Дастан Сәтпаев та бар

Сәтпаевқа еріп Еуропаға кете ме? ҚПЛ-2026 маусымының басты таланты Жасұлан Әмір не білеміз?