Жас қазақстандық футболшы еуропалық клубқа жеңіс сыйлады: видео

«Йонг Генктің» 17 жастағы қазақстандық вингері Шахмурат Дәулетов нидерландылық «Эйндховенге» қарсы жолдастық матчта көзге түсті, деп хабарлайды ASnews.kz.

Бельгиялық «Генктің» қосалқы құрамы «Эйндховенге» қарсы әрқайсысы 30 минуттан тұратын төрт таймдық ерекше маусымашар кездесу өткізді. Ойын барысында 0:2 есебімен ұтылып жатқан бельгиялықтар матч тағдырын өз пайдасына бұрып, төрт гол соқты.

Голдардың бірінің авторы Шахмұрат Дәулетов атанды. Бұдан бөлек, қазақстандық ойыншы нәтижелі пас беріп, пенальти де тапты. Оны 100-минутта Йонатан Кунен сәтті жүзеге асырды.

Дәулетов соққан голдың видеосы

Айта кетейік, алдағы маусымда жас Дәулетов елдің екінші дивизионында өнер көрсететін «Йонг Генк» сапында толыққанды дебют жасайды. Бұл лигадағы футболшылардың жалпы нарықтық құны ҚПЛ-мен деңгейлес (97,18 млн еуроға қарсы 93,68 млн еуро).

Бұған дейін Шахмурат Дәулетов «Қайрат», «Антальяспор» және «Беерсхот» академияларында өнер көрсеткен.

Белгілі комментатор – Сәтпаевтың «Челсидегі» мүмкіндігі туралы: қазақ футболшысы АПЛ-де алаңға шығады