ҚПЛ легионері: Покатилов – Әзербайжандағы танымал тұлға және ең үздіктердің бірі

«Тобылдың» орталық қорғаушысы Райан Сенхаджи ASnews.kz сайтына берген сұхбатында Стас Покатиловтың әзербайжандық «Сабах» клубындағы табысы туралы айтты.

«Егер мұндай маңызды клуб Покатиловқа сенім артса, демек, ол бұған лайықты. Көп адам біле бермейді, бірақ «Сабахтың» басшылығы кадрларға, инфрақұрылымға және жанкүйерлермен қарым-қатынасқа көп көңіл бөледі. Олардың Әзербайжандағы беделі өте жоғары.

Стас пен «Қарабах» қақпашысы (Матеуш Кохальски – еск.) – бәлкім, елдегі ең үздіктер шығар», – деді қостанайлық команданың жаңа ойыншысы.

Бұған дейін алжирлік футболшы «Сумгаит» сапында өнер көрсеткен болатын.

Еске сала кетейік, 33 жастағы Стас Покатилов «Сабах» клубына дәл осы «Тобылдан» ауысқан болатын. Өткен маусымда Қазақстан құрамасының қақпашысы Әзербайжан чемпионатында «құрғақ матчтар» саны бойынша көш бастады (30 ойынның 13-інде қақпасына гол өткізбеген). Сондай-ақ ел чемпионатының «алтыны» мен Кубогын жеңіп алды.

«Тобылдың» қайта үздік болатынына сенемін»: Сенхаджи – «Реал» ойыншысымен достық, РПЛ және еурокубоктар туралы