Аудармадағы қиындық: Ван ’т Схип Байсуфинов туралы сұраққа не деп жауап берді?

Әлеуметтік желілердің қазақстандық сегментінде Қазақстан құрамасының бас бапкері Джон ван ’т Схиптің бұрмаланған дәйексөзі тарай бастады.

Нидерландтық маманның сөздері былай деп аударылған:

«Егер Талғат Байсуфинов менен мықты болса, ол кетпес еді, ал мен оның орнында жұмыс істемес едім».

ASnews.kz редакциясы жағдайдың мән-жайын анықтап, бапкерге негізсіз сын айтылмауы үшін матч алдындағы баспасөз мәслихатындағы диалогтың нақты аудармасын жариялауды жөн көрді.

Журналистердің бірі Ван ’т Схипке қазақ тілінде мынадай сұрақ қойды:

«Бұрынғы бапкер Талғат Байсуфинов Словакияға ұтылып, Фарер аралдарымен тең түсуі мүмкін еді. Жалпы сіздің бұрынғы бапкерден қандай айырмашылығыңыз бар? Спорт сарапшылары бұрынғы бапкердің ойынына ешқандай өзгеріс жасаған жоқ деп айтып жатыр».

Бұған Джон ван ’т Схип ағылшын тілінде былай деп жауап берді:

«Өткен бапкердің Фарер аралдарын жеңіп, Словакиямен тең түсе алар еді деп осылай болжам жасай алатындарыңыз өте қызық екен. Бұл таңғаларлық жағдай. Тыңдаңыздаршы, мен мұнда жаңа адаммын, қасымдағы мықты көмекшілеріммен бірге өз әдісіммен жұмыс істеймін. Бізге белгілі бір қиындықтармен күресуге тура келеді және біз бұған жақсы төтеп беріп жатырмыз деп санаймын. Қазір біз менен бұрын бапкер болған адаммен не болуы мүмкін еді дегенге емес, тек Молдоваға қарсы матчқа толықтай назар аударып отырмыз. Олай болмаған жағдайда ол кетпеуі керек еді».

Осылайша, нидерландтық маман өзінің бұрынғы бапкерден мықты екенін мәлімдеген жоқ, тек басқа бапкер тұсында құрама қалай ойнар еді деген гипотетикалық пайымдауларға ирониямен жауап берді.

Еске сала кетейік, УЕФА Ұлттар лигасы топтық кезеңінің үшінші туры аясындағы Қазақстан мен Молдова құрамалары арасындағы матч бүгін, 2 қазанда Астанадағы «Астана Арена» стадионында өтеді. Кездесу сағат 19:00-ге жоспарланған. Алғашқы екі турдан кейін Джон ван ’т Схип жетекшілік ететін команданың еншісінде бір ұпай бар.

«Жеңіске жетпесек, трагедия болады»: Ван ’т Схип – Молдова, сын және көшбасшылар туралы