Тархнишвили «Ақтөбенің» жаңа жұлдызы туралы: Атанасовты тауып, бапкерді көндірген мен едім

«Ақтөбенің» бұрынғы спорттық директоры Важа Тархнишвили ASnews.kz сайтына берген сұхбатында македониялық жартылай қорғаушы Яни Атанасовтың ауысуына үлес қосқанын мойындады.

– Важа Эдуардұлы, Атанасовтың трансферіне қатысыңыз бар екені шын ба?

– Неге, біреу Яниді тапқан әрі бапкерді оны алуға көндірген мен емес деп жатыр ма (күледі)? Енді оның маңызы жоқ – ең бастысы, ол командаға көмектесіп жатқан шынымен де жақсы футболшы.

Өзіме медаль тағып, жанкүйерлердің дегбірін қашырғым келмейді. Мен үшін ең маңыздысы – «Ақтөбенің» жеңіске жетуі, ал Атанасовтың өз ойынымен қуантуы.

Еске сала кетейік, Солтүстік Македония құрамасының 26 жастағы жартылай қорғаушысы Яни Атанасов «Ақтөбе» сапына маусым айында ауысты.

Клубқа жаңадан қосылған ойыншы алты матчта бір гол соғып, бір нәтижелі пас берді. Бұған дейін ол «ақ-қызылдардың» тағы бір футболшысы Георгий Жуковпен бірге польшалық «Пуща» сапында өнер көрсеткен.

Важа Тархнишвили мамыр айында клубтың спорттық директоры лауазымына тағайындалған еді, бірақ белгісіз себептерге байланысты арада 20 күн өткен соң бұл қызметтен кетті.

Белгілі комментатор – Сәтпаевтың «Челсидегі» мүмкіндігі туралы: қазақ футболшысы АПЛ-де алаңға шығады