«Монаконың» экс-ойыншысы «Оқжетпестің» қақпашысы туралы: ҚПЛ-дағы үздіктердің бірі екеніне сенімдімін

«Монако» мен Франция жастар құрамасының бұрынғы шабуылшысы Йоан Молло ASnews.kz сайтына берген сұхбатында «Оқжетпес» қақпашысы Мирослав Лобанцевтің қабілетіне баға берді.

«Мирославты Ресейдегі бірге ойнаған кезеңнен білемін. Ол – өте байсалды, өз ісінің нағыз шебері. Оның ҚПЛ-дағы ең үздік қақпашылардың бірі деп лайықты түрде аталып жүргеніне сенімдімін», – деді Молло.

Еске сала кетейік, ресейлік Мирослав Лобанцев «Крылья Советов» клубында Йоан Моллоның командаласы болған. «Оқжетпестің» қазіргі қақпашысы РПЛ-да төрт кездесу өткізіп, оның екеуінде қақпасын құрғақ сақтаған.

Биылғы маусымда 31 жастағы футболшы 18 матчқа қатысып, өз қақпасына 27 доп жіберіп алды.

Ал француздық Йоан Молло мансабында «Фулхэм», «Сент-Этьен» және «Зенит» сияқты белгілі клубтарда өнер көрсеткен. Бүгінгі таңда ол балалар бапкері және телеарнада сарапшы болып қызмет етеді.

«Фулхэмнің» бұрынғы шабуылшысы – Сәтпаевқа: Британиялық журналистерден аулақ бол