«Фулхэмнің» бұрынғы шабуылшысы – Сәтпаевқа: Британиялық журналистерден аулақ бол

«Фулхэм» клубы мен Франция жастар құрамасының бұрынғы шабуылшысы Йоан Молло ASnews.kz сайтына берген сұхбатында қазақстандық жас шабуылшы Дастан Сатпаевқа «Челсиде» неден сақ болу керектігін айтты.

«Сатпаевқа ең алдымен баспасөзге көп сұхбат бермеуге кеңес берер едім. Әсіресе, британдық журналистермен барынша аз сөйлескені дұрыс. Сонымен қатар, алаңда да, оның сыртында да командаластарына әрдайым құрметпен қарасын. Өз ойыныңды еркін көрсет, қателесуден қорықпа», – деді 36 жастағы футболшы.

17 жастағы қазақстандық шабуылшы Дастан Сатпаев «Челси» клубына қосылды. Маусым алдындағы оқу-жаттығу жиыны аяқталғаннан кейін клубтың бас бапкері Хаби Алонсо «Қайрат» академиясының түлегінің болашағына қатысты шешім қабылдайды.

Йоан Молло кәсіби мансабында «Монако», «Сент-Этьен» және «Зенит» секілді танымал клубтардың намысын қорғаған. Ал «Фулхэм» сапында алты матч өткізіп, бір нәтижелі пас берген.