«Алматыда тек «Реалға» ғана ұтылғанбыз»: «Қайрат» қорғаушысы – ЧЛ-дан ұшуы мен келесі қарсылас туралы

Алматылық «Қайраттың» португалиялық қорғаушысы Луиш Мата ASnews.kz тілшісіне берген сұхбатында Чемпиондар лигасының үшінші іріктеу кезеңінде «Левскиге» қарсы өткен қарымта матчтан (0:1) кейінгі эмоциясымен бөлісіп, команданың Еуропа лигасындағы мүмкіндігін бағалады.

«Бұл өте үлкен өкініш. Біз бұдан да жоғары нәтижені қаладық, бірақ, өкінішке орай, «Левски» ойынның басында-ақ гол соғып, өздерінің жағдайын жақсартып алды. Біз соққыны көбірек жасадық, допқа иелік еттік, бірақ шынымен қауіпті сәт тудыра алмадық. Енді бізге ойынымызды күшейту керек. Келесі мақсатымыз – алдағы матчтарда жеңіске жетіп, Еуропа лигасына шығу. Бұл қиын болады, өйткені қарсыласымыз «Андерлехт» немесе ПАОК болады.

Өткен жыл керемет болды, бірақ ол артта қалды. Енді ойынымызды қай тұста жақсарта алатынымызды ойлап, қайтадан Қазақстан чемпионы атануға тырысуымыз керек.

Мен сылтау іздегім келмейді. Осы ойынға дейін де Алматының ерекше орын екенін айтқанмын. Орталық стадионда мадридтік «Реалға» қарсы кездесуді айтпағанда, біз ешқашан ұтылған емеспіз – қалған матчтардың бәрінде жеңілмей келдік. Өз үйімізде ойнау әлдеқайда жайлы, бірақ Түркістандағы жағдай екі командаға да бірдей болды, сондықтан ешқандай сылтау айтпаймын», – деді Мата.

«Қайрат» Түркістанда софиялық «Левскиге» 0:1 есебімен жол беріп (екі кездесудің жалпы есебі – 0:2), Чемпиондар лигасындағы жолын аяқтады.

Алматылық клуб өз өнерін Еуропа лигасының плей-офф раундында жалғастырады, онда турнирдің негізгі кезеңіне жолдама алу үшін ПАОК—«Андерлехт» жұбының жеңімпазымен таласады.

«Қайрат» жартылай қорғаушысы Еуропа лигасындағы келесі қарсыласын бағалады

«6 сағат ұшу – нағыз жындылық»: «Левски» вингері Эвертон – «Қайратты» жеңгені туралы

«Алматыда басқаша болар еді»: «Қайрат» қорғаушысы Африко – ЧЛ-дан ұшып кетуі мен Түркістандағы ыстық туралы