«Генктегі» қазақ: құжаттарды алдым – ұлттық құрамада тезірек ойнағым келеді

«Генктің» 17 жастағы шабуылшысы Шахмұрат Дәулетов ASnews.kz тілшісіне берген сұхбатында Бельгиядағы құқықтық мәртебесі реттелгеннен кейін Қазақстан құрамасында өнер көрсете алатынын мәлімдеді.

«Мен бұл сәтті төрт жыл күттім. Өзімді құрамада – жастар командасында немесе тіпті негізгі құрамада көрсету үшін құжаттарды мүмкіндігінше тезірек алғым келді. Мәселенің шешілгенін біліп, жұма күнгі «Аякс» U-19-ға қарсы ойынға көтеріңкі көңіл-күймен шығып, гол соқтым (2:2).

Енді «Генк» стадионында дебют жасадым... Қазақстандықтар мен үшін қуанышты деп үміттенемін. Осындай клубта өнер көрсететін еліміздің алғашқы өкілі болғаныма қуаныштымын», – деді Дәулетов.

Еске сала кетейік, Шахмұрат Дәулетов нидерландылық «Фортунаға» қарсы жолдастық матчта (1:2) «Сегека Аренада» «Генктің» негізгі құрамында дебют жасады. Осылайша, қазақстандық ойыншы танымал бельгиялық клуб сапында өнер көрсеткен 2009 жылы туған алғашқы футболшы атанды.

Оң қапталдағы вингер «Генкке» 2024 жылы «Беерсхоттан» ауысқан болатын. Оның Қазақстан құрамасына қосылуы Бельгиядағы тұруға ықтиярхат рәсімдеу және құжаттарды заңдастыру процесіне байланысты күрделеніп келген еді.

Қазақстандық сұрмерген топ-клуб сапында дебют жасады: жақында «Аяксқа» гол соққан