Дастан Сәтпаев «Бернлидегі» жұлдызды командаласынан айырылды

«Манчестер Юнайтед» пен «Бернлидің» бұрынғы қорғаушысы Аксель Туанзебе Францияның «Осер» клубына ауысты. 28 жастағы футболшы Лига 1 клубымен екі жылдық келісімшартқа отырды, деп хабарлайды ASnews.kz клубтың баспасөз қызметіне сілтеме жасап.

Туанзебе өткен маусым аяқталғаннан кейін «Бернлиден» кетіп, Францияға эркін агент ретінде ауысты. Ағылшындық қорғаушы – «Манчестер Юнайтед» клубының түлегі. Ол негізгі команда сапында 37 матч өткізіп, бұған дейін жалға алу құқығымен «Астон Вилла», «Наполи» және «Сток Сити» клубтарында өнер көрсеткен.

18 жастағы қазақстандық форвард Дастан Сәтпаев «Бернли» сапында лондондық «Челсиден» жалға алу құқығымен өнер көрсетеді. Чемпионшиптің үшінші турында «Норвичке» қарсы өткен кездесуде (1:4) Сәтпаев алғаш рет негізгі құрамда шығып, толық 90 минут бойы өнер көрсетті. Төрт сәтті алдап өту жасап, үш шешуші пас берген ол Flashscore сараптамалық порталының нұсқасы бойынша 7.5 бағасын алып, өз командасындағы ең үздік ойыншы атанған болатын.

«Бойында табиғи талант бар»: BBC сарапшысы Сәтпаевтың «Бернлидегі» болашағы мен бейімделуі туралы