The Courier тілшісі – Кенжебектің жаңа клубы жайлы: ТОП-4 қатарына қатарына қосылуы мүмкін

Шотландиялық сарапшы және The Courier Sport журналисі Алан Темпл ASnews.kz сайтына «Данди Юнайтедтің» биылғы маусымдағы қарқыны туралы айтты. Клуб Ғалымжан Кенжебекке ерекше қызығушылық танытып отыр.

«Үздік үштікке ену өте қиын болады. «Селтик» пен «Рейнджерс» – алып клубтар, ал «Хартс» «Брайтон» мен «Юнион» иесі Тони Блумның қолдауына ие болып отыр. Тіпті «Абердин» мен «Хибернианның» да «Дандиге» қарағанда жағдайы жақсы. Бірақ «Дандидің» керемет құрамы бар, олар маусымды 4-7 орындарда аяқтап, еурокубокке қатысуға мүмкіндік алады», – деді сарапшы.

11 турдан кейін «Данди Юнайтед» турнир кестесінде жетінші орында келе жатыр. «Аксу» командасында өнер көрсеткен Евгений Кучеренко – команданың бірінші нөмірлі қақпашысы, ал алаңдағы көшбасшыларының бірі – 23 жастағы молдовалық Юрий Йову.

Бұған дейін Алан Темпл «Данди Юнайтедтің» Ғалымжан Кенжебекті қалай қатарына қосатынын айтқан болатын.