Шотландиялық эксперт: «Данди» Кенжебекке Англия футболына жол ашады

Шотландиялық сарапшы және The Courier Sport журналисі Алан Темпл ASnews.kz басылымына берген сұхбатында «Данди Юнайтедтің» Ғалымжан Кенжебекті қалай қатарына қоса алатынын түсіндірді.

«Дандидің» Ғалымжанның қаржылық талаптарын орындай ма, жоқ па, болжау қиын, бірақ егер грек, чех және басқа да шетелдік клубтар оған шынымен де қызығушылық танытса, олардың арасындағы бюджет айырмашылығы айқын білініп тұрады. Дегенмен, «Юнайтед» шынымен де үлкен матчтар мен ағылшын футболына жол аша алады», – деді Темпл.

Сарапшы 1986/87 жылғы УЕФА кубогының финалистері жаңа вингер алу үшін қолдан келгеннің бәрін жасайтынына сенімді:

«Командада үш вингер бар: Трапановски, Фатах және Долчек. Бірақ олардың екеуі жалға алынған, ал үшіншісінің келісімшарты 2026 жылы аяқталады. Сондықтан бұл позицияны нығайту олардың негізгі мақсаты».

Британдық БАҚ хабарлағандай, 22 жастағы «Елімай» көшбасшысы «Данди Юнайтедтің» назарына ілікті. Клубтың құрамы 10,48 миллион еуроға бағаланған – бұл семейлік ұжымнан шамамен 4 миллион еуроға қымбат.

Бұған дейін Scottish Express Sport журналисі Скотт Бернс Ғалымжан Кенжебектің «Данди Юнайтедке» ауысу мүмкіндігін бағалаған болатын.