«Қазақстанда келісілген ойындар өтеді»: менеджер ашық мәлімдеме жасады

Қазақстандық спорт менеджері Алимжан Жалелов ASnews.kz басылымына берген сұхбатында артық шығындар мен келісілген матчтардың алдын алу үшін бірінші лига форматын өзгертуді ұсынды.

«Бірінші лиганы кеңейтіп, аймақтық деңгейде өткізу керек, бұл турнирге деген қызығушылықты арттырар еді. Шартты түрде плей-оффқа таласпайтын бесінші және алтыншы орындағы командалардың матчтарын қараңызшы – оларда ешқандай мотивация жоқ. Оларға ештеңе керек емес: жоғары көтеріле алмайды, төмен де түспейді. Ал егер бұған берешектері қосылса, келісілген ойындар өткізу қаупі туындайды. Бұл қазірдің өзінде орын алып жатыр.

Бүгінде масқара жағдайға жеттік: ешқандай мақсаты мен қаражаты жоқ клуб қонақтарды қабылдауға жағдайы жоқ қарсыласымен ойнау үшін Қазақстанның екінші шетіне ұшып баруға мәжбүр. Оның орнына, айталық, бір аймақтың төрт командасынан тұратын топтарда мүлдем басқаша мотивация болар еді. Плей-оффқа шығу қиынға соғады, ал ол бәсекені – сенімдімін – бәрі қызыға бақылайтын еді.

Осы маусымда мен екінші дивизионның екі ойынын көрдім, бұл сұмдық. Сәл де болса қызықты емес», – деді маман.

Еске сала кетейік, бүгінгі таңда бірінші лигада 14 клуб бақ сынайды, олардың алтауы – жастар командалары. Бұл ретте олардың бірі – «Қайрат-Жастар» қарағандылық «Шахтерден» бір ұпайға қалып, турнир кестесінде екінші орында келеді.

«ҚПЛ-ды қысқарту керек»: спорт менеджері – Қазақстандағы ақша мен келісілген ойындар туралы