Қазақстандық жартылай қорғаушы Португалияда көзге түсті: «Спортингке» қарсы ойнауы мүмкін

«Жил Висенте» клубының 20 жастағы шабуылдаушы жартылай қорғаушысы Ілияс Әбіл Португалия жастар чемпионаты аясында «Маритимуға» қарсы матчқа қатысты, деп хабарлайды ASnews.kz.

«Ақсудың» түлегі биылғы маусымда алғаш рет ел біріншілігінің 15-туры аясындағы «Маритиму» U-23 командасына қарсы ойында алаң иелерінің негізгі құрамында шықты. 51 минут ішінде қазақстандық футболшы нәтижелі пас беріп көзге түсті, алайда гол офсайдқа байланысты есепке алынбады. Команда 2:0 есебімен жеңіске жетті.

«Жил Висенте» Кубоктың плей-офф кезеңіне қатысуды қамтамасыз етті, бұл кезеңде олар «Бенфика», «Спортинг» немесе «Брагамен» кездесуі мүмкін. Тұрақты маусымда клуб турнир кестесінде бесінші орынды иеленді.

Еске салайық, Ілияс Әбіл португалиялық клубқа 2024 жылы ауысқан болатын. Бұған дейін вингер позициясында да ойнай алатын жартылай қорғаушы «Екібастұз» сапында өнер көрсетті. Санның артқы бұлшықетінің зақымдануына байланысты футболшы маусымның едәуір бөлігін өткізіп жіберуге мәжбүр болды.