«Тобыл» көшбасшысы – «Бавария» қорғаушысы туралы: Упамекано бауырым секілді, мен оны мақтан тұтамын

«Тобылдың» орталық қорғаушысы Пап-Альюн Ндиайе ASnews.kz сайтына берген сұхбатында «Бавария» ойыншысы Дайо Упамеканомен достығы жайлы айтты.

«Біз Дайомен бірге өстік, «Валансьен» академиясында бірге ойнадық. Ол өте қарапайым, ақкөңіл жігіт. Маған туған бауырымдай жақын. «Реалға» қарсы ойындағы өнеріне қарамастан-ақ, мен оны әрдайым мақтан тұтамын», – деді 28 жастағы француз футболшысы.

Мюнхендік клубтың қорғаушысы Дайо Упамекано «Реал Мадридке» қарсы Чемпиондар лигасының ширек финалындағы қарымта кездесуде (4:3) ерекше көзге түсіп, матч қаһармандарының бірі атанды. Ол Харри Кейнге нәтижелі пас беріп, Flashscore порталы оның ойынын 8,0 ұпайға бағалады. Қазіргі трансферлік құны шамамен 70 миллион еуроға бағалануда.

«Валансьеннен» кеткеннен кейін Пап-Альюн Ндиайе «Болонья», «Ворскла» және «Альтах» клубтарында ойнады. Қазақстанда екі жыл ішінде бойы 2,03 метр болатын қорғаушы 59 матч өткізіп, үш трофей жеңіп алды.