ҚПЛ-дағы сенегалдық легионер: біз Марокконы лайықты түрде жеңдік

«Қызылжардың» сенегалдық шабуылшысы Оноре Гомис ASnews.kz сайтына берген сұхбатында Африка Ұлттар кубогының финалында Мароккоға жеңіс әперген Африка футбол конфедерациясының шешіміне қатысты пікір білдірді.

«Бұл өте оғаш шешім – футболда мұндай жағдай бұрын-соңды болған емес. Бұл африкалық басшылардың жауапкершілігі төмен екенін көрсетеді, олар көбінесе белгілі бір елдерге бұра тартады. Біз, сенегалдықтар үшін ештеңе өзгермейді: біз алаңда мықтырақ болдық және лайықты түрде жеңіске жеттік.

Жергілікті футболшылар не дейді? Әрине, бәрі бұл шешімге таңғалып отыр. Әсіресе сол матчқа қатысқандар. Бұл отандық футболға кері әсерін тигізеді. Біз тек Жаратқанға шүкіршілік етеміз және Сенегал әрқашан ең мықты екенін естен шығармаймыз», – деді Гомис.

Еске салайық, финалдағы жеңістен (1:0) екі ай өткен соң АФК апелляциялық кеңесі Сенегалға техникалық жеңіліс жазды. Пенальтиге наразылық ретінде «ойыннан бас тартқаны» үшін Марокко құрамасы Африка чемпионы болып жарияланды.

Айта кетейік, петропавлдықтардың жаңа ойыншысы Оноре Гомис – Бафетимби Гомис пен Нампалис Менди сияқты танымал футболшылардың інісі. «Лионның» бұрынғы шабуылшысы Бафетимби Франция құрамасы сапында өнер көрсетсе, ал «Уотфордтың» қазіргі жартылай қорғаушысы Нампалис – 2022 жылғы Африка Ұлттар кубогының жеңімпазы.

Бұған дейін осы шешім бойынша «Ертістің» сенегалдық корғаушы Мамаду Мбодж да өз пікірін білдірді.