Мбодж – Сенегалдың техникалық жеңілісі туралы: жеңімпаз алаңда анықталады – бұл саясат

«Ертістің» орталық қорғаушысы Мамаду Мбодж ASnews.kz сайтына берген сұхбатында Африка Ұлттар кубогының финалында Мароккоға (1:0) қарсы ойында Сенегалға техникалық жеңіліс жазу туралы КАФ шешіміне қатысты пікір білдірді.

«Жеңімпаз қағаз жүзінде емес, алаңда анықталады, сондықтан кубок – біздікі. Мұның бәрі сандырақ әрі саясат. Олардың қолынан түк те келмейді – сенегалдықтар қазірдің өзінде тойлап, медальдарын елге алып кетті», – деді Мбодж.

Еске салайық, Африкалық футбол конфедерациясының апелляциялық кеңесі пенальтиге наразылық ретінде алаңнан кетіп қалған сенегалдық футболшылардың әрекетін ойыннан бас тарту деп бағалады. Осылайша, матчтан екі ай өткен соң Марокко құрамасына техникалық жеңіс (3:0) берілді.

Айта кетейік, павлодарлықтардың қорғаушысы Мамаду Мбодж жастар деңгейінде Сенегал құрамасының намысын қорғаған. Ал сенегалдықтың бұрынғы командаласы Абдулай Сек – аталмыш турнирде топ жарғандардың бірі.