«Ахматтың» экс-капитаны: Самородов үлкен клубқа ауысуы мүмкін

«Ахмат» пен Косово құрамасының бұрынғы шабуылшысы Бернард Бериша ASnews.kz тілшісіне берген сұхбатында Максим Самородовтың ресейлік клубтағы болашағына баға берді.

«Самородов – тамаша әрі шеберлі ойыншы. Ол өзіне жақсы таныс әрі мықты бапкердің қол астында дәл осы қарқынмен жұмыс істей береді деп үміттенемін. Қазір Максимнің өзін жоғары деңгейде көрсетіп, басқа да салмақты ұжымға ауысуы үшін барлық жағдай бар», – деді Бериша.

Өткен маусымда «Ахматтың» вингері 34 матчқа қатысып, бес гол соқты және 10 нәтижелі пас берді. Ресейлік БАҚ-тың мәліметінше, 24 жастағы қазақстандық футболшы мансабын мәскеулік «Спартакта» жалғастыруы мүмкін.

Грозныйлық клубтың бұрынғы капитаны. Косоволық ойыншы сегіз жыл ішінде команда сапында 28 гол соғып, 23 нәтижелі пас берген.