Коморлық журналист: Қазақстанмен ойын алдында 10 футболшы жарақат алды

TF1 арнасының франк-коморлық комментаторы әрі журналисі Нордин Али Саид ASnews.kz порталына берген сұхбатында Комор аралдары құрамасының Қазақстанға қарсы матчқа қандай баппен келе жатқанын айтып берді.

«Комор аралдары құрамасы айтарлықтай өзгерді: қазіргі уақытта бірден алты негізгі ойыншы көмектесе алмайды, ал жалпы жарақат алғандар саны – 10. Команда шабуылдау әлеуетіне арқа сүйейтін сияқты. Кейбір ойыншылар ұзақ уақыттан бері құрамда ойнап жүр. Мәселен, Реми Вита, Ияд Мохамед және «Франк Борен» сапында жарқырап жүрген жас талант Абубакар Али Абдалла», – деді сарапшы.

Сонымен қатар журналист қазақстандықтардың қарсыласының мықты тұстарын атап өтіп, қорғаныстағы көшбасшысын атады:

«Коморлықтар әрдайым мықты рухымен ерекшеленіп, қорғаныстан шабуылға өте жылдам әрі епті ауысатын. Қорғаныста Кенан Туабибу көшбасшы болуы тиіс, ол тіреуіш жартылай қорғаушы міндетін де атқара алады», – деп қосты Али Саид.

Еске салайық, Қазақстан құрамасы шығысафрикалық команданы 31 наурызда қабылдайды. Матч жаңа FIFA Series турнирі аясында өтеді.

Өз алаңындағы турнирдің алғашқы ойында Талғат Байсуфиновтің шәкірттері Намибия құрамасын 2:0 есебімен сенімді түрде жеңген болатын.

Кадрлық мәселелерге байланысты Комор аралдары құрамасының бас бапкері Юбер Велю төрт футболшыны ұлттық командаға алғаш рет шақыртып отыр: Абдельмаджид Дже («Лимоне»), Ассад Маулида («Гранд Уэст»), Фалахидин Саид-Ахамада («По») және Яссин Санду («Аль-Шабаб»).