Лиганың экс-президенті Намибиямен өтетін ойын туралы: Қазақстанға қиындық тудыруы мүмкін

QFL экс-президенті Ғани Қайназаров ASnews.kz порталына берген сұхбатында FIFA Series аясындағы Қазақстан мен Намибия құрамалары арасындағы матчтан қандай нәтиже күтетінін айтты.

«Бұл турнир ресми мәртебесі жағынан басты жарыс емес. Оны көбіне жолдастық кездесулер сериясы ретінде қарастыруға болады, дегенмен бапкерлер штабы үшін оның тәжірибелік маңызы зор. Бұл Ұлттар лигасы қарсаңында футболшылар мен олардың алаңдағы байланысын байқап көруге жақсы мүмкіндік.

Намибия туралы дөп басып айту қиын – жалпы ақпарат аз. Олардың Еуропаның топ-клубтарында ойнайтын жарық жұлдыздары жоқ, бірақ африкалық құрамалар әдетте жақсы физикалық қасиеттерімен: жылдамдығымен және мықты атлетизмімен ерекшеленеді. Сондықтан жаңа қарсылас бізге айтарлықтай қиындық тудыруы әбден мүмкін», – деді функционер.

Еске салайық, 25 наурыз күні Талғат Байсуфиновтің командасы «Астана Аренада» Намибия құрамасын қабылдайды.

XXI ғасырда бұл африкалық ұжым Азия командаларына қарсы бар-жоғы үш рет қана ойнаған: Сауд Арабиясына (0:1) және Үндістанға (0:2) есе жіберіп, Ливанмен (1:1) тең түскен. Ал УЕФА өкілдерімен олар бұрын-соңды мүлдем кездеспеген.

Бұған дейін Байсуфинов құрам жасақтау мәселесі жайлы кеңінен айтып берді.

Оған қоса, бапкер шабуылшы Дастан Сәтпаевтың жарақатына қатысты түсініктеме берді