«Краснодардың» экс-директоры – Кенжебек туралы: оған «Ахматта» ойын практикасы қажет

«Краснодар» клубының бұрынғы техникалық директоры Александр Толстиков ASnews.kz сайтына берген сұхбатында Ғалымжан Кенжебектің Ресей Премьер-лигасындағы болашағы туралы пікірімен бөлісті.

«Мен «Краснодарда» жүрген кезде Ғалымжанға көрмедім, бірақ оның есімі жиі аталып жүрді. Селекция жұмысымен айналысатындар Кенжебектің шеберлігін және әлеуетін жоғары бағалайды. Қазір ең бастысы – «Ахматта» оған ойын уақыты пен негізгі құрамнан орын табу керек. «Елімайдағы» керемет маусымнан кейін тоқтап қалмауы тиіс.

Біз ресейлік клубтардың еурокубокке оралуын асыға күтеміз. Жергілікті клубтар мен ұлттық құрама еурокубокке қатыспай, көп нәрсе жоғалтуда. Англияға да бір кездері осындай жаза тағайындалған болатын, бірақ сайып келгенде, қазір олардың лигасы әлемдегі ең үздік чемпионат болды. Сондықтан жанкүйерлер Кенжебектің Ресейге көшкеніне алаңдамауы керек», – деді функционер.

2023 жылы 22 жастағы қазақстандық вингер «Краснодар» клубында қаралымнан өткен. Ал 2026 жылдың қаңтарында ол Станислав Черчесов жаттықтыратын «Ахмат» клубымен ұзақ мерзімді келісімшартқа қол қойды.

Өткен маусымда Қазақстан Премьер-лигасында Кенжебек «Елімай» сапында 11 матч өткізіп, 6 гол соқты, 4 нәтижелі пас берді. Осы ойынымен ол шотландиялық «Данди Юнайтед» пен чехиялық «Виктория» клубтарының назарына ілікті.