«Шахтер» академиясы құрылысының аяқталу мерзімі белгілі болды

Қарағандылық «Шахтердің» жаңа оқу-жаттығу орталығының пайдалануға берілетін нақты мерзімі жарияланды. Заманауи футбол академиясы толықтай дайын болып, 2027 жылдың қазан айында өз есігін айқара ашады деп күтілуде, деп хабарлайды ASnews.kz.

Жоба мемлекеттік-жекеменшік әріптестік аясында жүзеге асырылып жатқан спорт кешені болып табылады. Аумағы 9,61 гектарды құрайтын жерде мынадай нысандар орналасады:

• сыйымдылығы 3500 көрерменге арналған стадион;

• жыл бойы жаттығуға арналған жабық манеж және жылыту жүйесі бар алаң;

• ұлдар мен қыздарға арналған интернат;

• оқу сыныптары, жаттығу залдары, бассейні және медициналық блогы бар толыққанды әкімшілік-тұрмыстық кешен.

Еске сала кетейік, қарағандылық «Шахтер» келесі маусымда Қазақстан премьер-лигасында өнер көрсетеді.

«Шахтер» еуропалық клубтардың бұрынғы ойыншысымен келіссөздер жүргізуде