«Алтай» жұлдызы Дадаев «Ақтөбеге» ауысуы туралы: бәрі соңғы сәтте өзгерді

«Алтайдың» қаптал шабуылшысы Ибрагим Дадаев ASnews.kz сайтына берген сұхбатында маусым айында «Ақтөбеге» көшуі неліктен болмай қалғаны туралы айтты.

«Бәрі соңғы сәтте өзгерді. Сырт алаңдағы өзара матчтан кейін басшылықпен сөйлесуге бардым, сөйтіп «Алтайда» қалғаным дұрыс болады деген шешімге келдік. Бұл ортақ шешім болды. Дегенмен «Ақтөбеге» бару мүмкіндігім жоғары, шамамен 70% болған еді», – деп мойындады Дадаев.

Сонымен қатар, 24 жастағы футболшы «ақ-қызылдардың» стадионындағы пенальти сериясын еске алды:

«Шынымды айтсам, бұл сөзбен жеткізгісіз сезім. «Қобыландыда» ойнау – керемет. Допқа қарай бет алғанда аздап қобалжыдым, бірақ оны нүктеге қойған кезде құдды бір киноға түсіп кеткендей болдым. Миым өшіп қалғандай болды. Ал әрі қарай – шеберліктің еншісіндегі дүние», – деп қосты ол.

Айта кетейік, «Ақтөбе» Ибрагим Дадаевты «Алтайдың» тағы бір ойыншысы Сэйф Поповпен қатар өз сапына қосуға қызығушылық танытқан еді. «Қайраттың» бұрынғы вингерінің еншісінде ҚПЛ-дың 23 матчында соғылған төрт гол және бір нәтижелі пас бар.

Еске сала кетейік, Вахид Масудовтың командасы Кубоктың ширек финалында елдің бес дүркін чемпиондарын (1:1, пенальти бойынша 4:3) жеңген болатын. 24 турдың қорытындысы бойынша олар чемпионат кестесінде 13-орында тұр.

Келісілген ойын ба? Блогер «Ордабасы»—«Астана» матчы жайлы күмән білдірді