«Тобылға» маңызды жаңа демеуші келді

Мемлекет басшысының кәсіби футбол клубтарын жекешелендіру жөніндегі тапсырмасын орындау аясында Қостанай облысының әкімдігі «Тобыл» ФК үшін жеке капитал тарту жұмыстарын аяқтады, деп хабарлайды ASnews.kz.

Қостанайлықтардың жаңа стратегиялық серіктесі – негізгі қызметі осы өңірмен тығыз байланысты ірі агроөнеркәсіптік холдинг «Олжа Агро» ЖШС атанды. Компания өкілдері клуб құрылтайшыларының құрамына ресми түрде кіргені хабарланды.

Ірі инвестордың келуі команданың ұзақ мерзімді дамуындағы аса маңызды кезең болмақ. Жаңа қаржылық және басқару моделіне көшу кезең-кезеңімен жүзеге асырылады. Алдағы бес жылдағы басты мақсат – жеке инвестициялар үлесін жоспарлы түрде арттыру және клубтың бюджеттен тыс кірістерін көбейту. Бұл «Тобылдың» мемлекеттік қаржыландыруға тәуелділігін айтарлықтай төмендетуге мүмкіндік береді.