ҚФФ «Тобылға» қарсы матч пен төрешілікке қатысты ресми мәлімдеме жасады

Қазақстан футбол федерациясы премьер-лиганың 21-турындағы «Тобыл» мен «Қайсар» арасындағы матчтың ауыстырылуына қатысты ресми мәлімдеме жасап, сонымен бірге осы кездесудегі төрешілік төңірегіндегі жағдайға қатысты пікір білдірді.

«Матчты ҚФФ біржақты тәртіппен және «Қайсармен» келіспей ауыстырды деген сөздер шындыққа жанаспайды. Кездесуді 9 тамыздан 25 тамызға ауыстыру туралы шешім «Тобылдың» УЕФА Конференциялар лигасының квалификациясына қатысуына байланысты қабылданды, бұл регламентте қарастырылған.

Фактілер ресми хаттармен расталады: 4 тамызда «Тобыл» жарысты өткізу дирекциясына матчты ауыстыру туралы өтініш білдіріп, «Қайсардың» карсылығы жоқтығы туралы хатын қоса берді. 5 тамызда «Қайсар» ресми түрде келісімін растап, 24 немесе 25 тамыз күндерін өзі ұсынды. Белгіленген дата біржақты таңылған жоқ – ол қызылордалық клубтың өзі ұсынған мерзім аясында белгіленді. Бұдан бөлек, «Қайсардың» матчтың ауысуына байланысты барлық қосымша шығындарын «Тобыл» толығымен өтеп берді.

Төрешілік сапасына келсек, Төрелік ету, инспекциялау және VAR-ды дамыту департаменті кездесудің басты сәттеріне егжей-тегжейлі талдау жүргізді. Төрешілер шешімінің негіздемесі бар видео KFF_TV ресми арнасында жарияланды. ҚФФ ашықтықты қамтамасыз етуді және барлық клубтар үшін бірыңғай ережелерді сақтауды жалғастыра береді», – деп мәлімдеді федерация.

ҚПЛ-дың 21-тур матчы қостанайлық «Тобылдың» еурокубоктердегі халықаралық күнтізбесіне байланысты 2026 жылдың 9 тамызынан 25 тамызына жылжытылды.

2026 жылғы маусымның басынан бері ҚФФ премьер-лига матчтарындағы даулы төрешілік шешімдерді жүйелі түрде көпшілікке бейнеталдау жасау тәжірибесін енгізді.