КФФ бас хатшысы «Қайратты» Италияның клубымен салыстырды

Қазақстан футбол федерациясының (КФФ) бас хатшысы Скотт Манн Қазақстан Премьер-лигасындағы (ҚПЛ) инфрақұрылым мен ұйымдастыру деңгейін көтеру қажет екенін айтты.

«Бүкіл лиганың деңгейін көтеруіміз керек. Мысалы, «Қайрат» академиясы италиялық «Парма» клубының академиясынан кем түспейді. Басқа клубтар да инфрақұрылымды қалай дамыту керектігін олардан үйренуі қажет.

Сонымен қатар, «Ордабасы» матч күнінде керемет атмосфера қалыптастырып, жанкүйерлерді стадионға тартып жүр. Ал «Қайсардың» тамаша стадионы бар. Осындай озық тәжірибелерді бүкіл чемпионатқа енгізуіміз керек», – деді КФФ бас хатшысы.

ҚПЛ-дың 24-туры 29-31 тамыз аралығында өтеді. Тур алдында шымкенттік «Ордабасы» 52 ұпаймен турнир кестесінде көш бастап тұр. Екінші орында келе жатқан «Қайрат» одан 4 ұпайға қалып қойған. Алайда алматылықтардың оларға қарағанда бір ойыны кем.

ҚФФ бас хатшысы – құраманың бапкері жайлы: Ван 'т Схип ақшаның артынан қумайтын адам