«Жеңіс»—«Қайсар» матчы букмекерлік кеңселердің желісінен алынып тасталды

Қазақстан премьер-лигасының қорытынды, 30-туры аясындағы елордалық «Жеңіс» пен қызылордалық «Қайсар» арасындағы кездесу бірқатар отандық букмекерлік кеңселердің желісінен алынып тасталды, деп хабарлайды ASnews.kz.

Аталған ойынға бәс тігу бірнеше танымал букмекерлік платформада қолжетімсіз болып қалды. Бұл – ҚПЛ-2026 маусымының шешуші турында мұндай шектеуге ұшыраған екінші матч: бұған дейін букмейкерлер желісінен «Ұлытау» мен «Атырау» арасындағы кездесу де алынған болатын.

Кезекті матчтың желіден алынуы турнир кестесінің төменгі бөлігіндегі тартыстың шарықтау шегіне жеткен сәтімен тұспа-тұс келіп отыр. Соңғы, 16-орында тұрған «Қайсар» (25 ұпай) премьер-лигадағы орнын сақтап қалу үшін тартыс жүргізуде. Бұл ретте қызылордалықтардың тікелей бәсекелестері чемпионат көшбасшыларына қарсы ойын өткізеді: 14-сатыдағы «Алтай» (27 ұпай) сырт алаңда күміс жүлдегер – «Қайратпен» шеберлік байқасса, 15-орындағы «Жетісу» (26 ұпай) өз алаңында қола жүлдеге үміткер «Астананы» қабылдайды.

Бұған дейін «Атыраудың» (13-орын, 27 ұпай) бас бапкері Самат Смаков клуб бірінші лигаға түсіп қалса, «бапкерлік лицензиясын қоқысқа тастауға» уәде берген болатын.

Айта кетейік, ҚПЛ-2026 маусымының қорытынды, 30-турындағы барлық матчтар сенбі, 31 қазанда өтеді. Ойындар Астана уақытымен сағат 15:00-де бір уақытта басталады.

Букмекерлік кеңселер «Ұлытау» – «Атырау» матчын тізімнен алып тастады