Леонид Слуцкий қазақстандық клубтарға ұсынылды

Ресейлік маман Леонид Слуцкий Қазақстан премьер-лигасының бірнеше өкіліне ұсынылды, деп хабарлайды ASnews.kz.

Бұған дейін де бапкердің отандық командалармен байланысы болған еді. Атап айтқанда, өткен жылдары БАҚ-та ресейлік бапкердің кандидатурасына алматылық «Қайрат» пен «Ақтөбе» қызығушылық танытқаны туралы ақпарат бірнеше рет тараған болатын. Маманның соңғы жұмыс орны қытайлық «Шанхай Шэньхуа» болды, ол бұл клубты 2023 жылдың желтоқсанынан 2026 жылдың тамызына дейін басқарды.

Айта кетейік, өз мансабында 55 жастағы Леонид Слуцкий мәскеулік ЦСКА-ның тізгінін ұстап, Ресей чемпионатын үш рет жеңіп алды, сондай-ақ ел Кубогы мен Суперкубогын екі реттен иеленді. «Шанхай Шэньхуамен» бірге маман Қытай Суперкубогының екі дүркін иегері атанды, ал 2016 жылы Еуропа чемпионатында Ресей ұлттық құрамасын басқарды. Сонымен қатар ресейлік бапкер нидерландылық «Витесс» пен ағылшындық «Халл Ситиге» де жетекшілік еткен.