Ақмола облысы мен Көкшетау әкімдері «Оқжетпестің» «Астанаға» қарсы сырт алаңдағы матчына барады

Ақмола облысының әкімі Марат Ахметжанов пен Көкшетау әкімі Әнуар Күмпекеев ҚПЛ-дың 21-туры аясындағы «Оқжетпестің» «Астанаға» қарсы сырттағы матчына арнайы барады, деп хабарлайды ASnews.kz.

Осы сапар аясында ҚФФ бас хатшысы Скотт Манн Ақмола облысының басшылығымен және «Оқжетпес» футбол клубының өкілдерімен ресми кездесу өткізеді.

Еске сала кетейік, бұған дейін журналист Эльдар Аманбаев елордалық стадионда Көкшетау клубының 2 000-ға жуық жанкүйері қолдау көрсететінін хабарлаған болатын.

Бұған дейін ASnews.kz жазғандай, елордадағы матчта Қазақстан ұлттық құрамасының жаңа бас бапкері Джон ван ’т Схип те болады. Ол бұл қызметке тағайындалғаннан кейін елдің бас командасына кандидаттарды қарауды жалғастыруда.

Бұл кездесу 21-турдың басты ойыны болмақ – «Астана» мен «Оқжетпес» турнирлік кестеде сәйкесінше үшінші және төртінші орындарға жайғасқан тікелей бәсекелестер.

Айта кетейік, Күмпекеев бұдан бөлек Ақмола облысының футбол ассоциациясының президенті қызметін атқарады.

Матч бүгін, 9 тамыз күні сағат 18:00-де «Астана Арена» стадионында басталады.

Кройфтан тәлім алып, «Аяксты» құтқарған: Нидерландылық сарапшы Қазақстан құрамасының жанкүйерлеріне үндеу жасады