Матч орталығы
Михаил Мудрик сәтсіз тапсырған допинг-тесті үшін Украина құрамасын айыптады
19 қараша, 14:18

Фото: Михаил Мудрик
«Тоттенхэм» сапында өнер көрсететін украиналық футболшы Михаил Мудрик допингке қарсы ережелерді бұзғаны үшін дисквалификациялануының себептері туралы резонансты мәлімдеме жасады, деп хабарлайды ASnews.kz.
Журналист Дмитрий Гордонмен әңгіме барысында украиналық вингер ұлттық командадағы жұмыс процестерін ұйымдастыру мен қауіпсіздік мәселелерін ашық сынға алып, құрама сапында ойыншыларға тиісті бақылаусыз түрлі препараттар беріліп келгенін атап өтті.
– Сізге дәрумендер немесе басқа препараттар ретінде бірдеңе беруі мүмкін бе? Сіздің ойыңызша, мұндай жағдай қалай орын алды?
– Тыңдаңызшы, құрамада бұл заттың менің ағзама түсуінің мүмкін жолдары өте көп, олардың бәрін санап шығуға он саусақ та жетпейді. Олардың арасында ең қарапайым әдістер де, әлдеқайда күрделі нұсқалар да бар. Менің ойымша, ұлттық командада мұндай деңгейде болуы тиіс бақылау мен қауіпсіздік жүйесі мүлдем жоқ.
Клубтарда бәрі басқаша ұйымдастырылған, әсіресе сырт алаңдағы ойындар кезінде: қонақүй қабаттарындағы да, тікелей команда ішіндегі де жағдайды қадағалайтын жауапты адамдар әрдайым болады. Бұл үшін арнайы қызметкерлер тағайындалады. Ал құрамада нутрициолог бар, ол екі күнде бір рет әр футболшыға таблеткалар салынған стақан әкеліп береді. Оларды тек матчтардың алдында ғана бермейді. Әрбір ойыншы өз стақанында жатқан дәріні ішуі тиіс.
– Бұған дейін бұл жағдайға дәл осы Украина құрамасындағы болмауы тиіс жағдайлар мен жұмысты ұйымдастыру деңгейі себеп болды деп көпшілік алдында мәлімдедіңіз бе?
– Көпшілік алдында бұл туралы айтпаған шығармын. Бірақ қазір айтып отырмын.
– Яғни, осы қиын жағдайда сіз жауапкершілікті Украина құрамасына жүктейсіз бе? Әңгіме бір командада ойнайтын футболшылар туралы емес, дәл осы құрама ішіндегі процестерді ұйымдастыру жөнінде болып отыр ма?
– Иә, дәл солай.
Еске сала кетейік, Мудрик Украина құрамасы жейдесіндегі соңғы кездесуін 2024 жылдың 20 қарашасында Албанияға қарсы (2:1) өткізген болатын. Кейінірек Англия футбол қауымдастығы (FA) сынамасынан тыйым салынған мельдоний препараты табылғаннан кейін ойыншыны футболдан төрт жылға шеттетті. Алайда 2026 жылдың шілдесінде дисквалификация мерзімі мерзімінен бұрын қысқартылып, вингер ресми ойындарға қайта оралуға рұқсат алды.
Ахмет Ержанов