Матч орталығы
Қазақстан құрамасының бас бапкері қызметіне үміткерлер белгілі болды
19 қараша, 16:07

Фото: Валид Реграги және Кевин Мускат
Қазақстан футбол федерациясы (ҚФФ) Қазақстан ұлттық құрамасының бас бапкері қызметіне үміткерлердің қысқа тізімін жасақтады, деп хабарлайды ASnews.kz.
Федерация тізімінде барлығы жеті маман бар. Бүгінгі таңда бос тұрған орынға үмітті үш шетелдік кандидаттың есімі белгілі: португалиялық Паулу Бенту, француз-марокколық маман Валид Реграги және аустралиялық Кевин Мускат.
Еске сала кетейік, бұған дейін ҚФФ бас хатшысы Скотт Манн нидерландтық Джон ван ’т Схип 2026/27 жылғы маусымдағы УЕФА Ұлттар лигасы аяқталғаннан кейін ұлттық командадағы жұмысын жалғастырмайтынын мәлімдеген болатын. Оның жетекшілігімен құрама С дивизионында алты матч өткізіп, бірде-бір жеңіске жете алмады (үш тең ойын және үш жеңіліс) әрі Словакия, Фарер аралдары және Молдовамен бір топта соңғы орынды иеленді.
«Ван ’т Схипті шақырғандар жауап беруі тиіс»: сарапшы ҚФФ-ның кадрлық шешімдерін талдады
Әлім Динасылов