Матч орталығы
Қазақстан құрамасының бапкерлігіне үміткер болған маман Катарға тағайындалуға жақын
19 қараша, 21:20

Фото: Валид Реграги
ҚФФ үміткерлер тізіміне енген Марокко құрамасының бұрынғы бас бапкері Валид Реграги жақын арада Катар құрамасын тізгіндеуі мүмкін, деп хабарлайды ASnews.kz инсайдер Фабрицио Романоға сілтеме жасап.
«Валид Реграгиді Катар құрамасының жаңа бас бапкері етіп тағайындау жөніндегі келіссөздер шешуші кезеңге өтті. Марокко құрамасының бұрынғы бапкерімен талқылау ілгерілеп жатыр», – деп жазды Романо X әлеуметтік желісінде.
Еске сала кетейік, бұған дейін ASnews.kz ҚФФ Қазақстан құрамасының бас бапкері қызметіне жеті үміткерді қарастырып жатқанын хабарлаған болатын. Олардың қатарында Реграгиден бөлек, португалиялық Паулу Бенту мен аустралиялық Кевин Мускат бар.
Айта кетерлігі, Реграги мансабындағы басты жетістігіне дәл осы Катардағы әлем чемпионатында қол жеткізген еді: 2022 жылғы мундиальда ол марокколықтарды жартылай финалға дейін жеткізіп, төртінші орын иеленді. Ал Катар құрамасының өзі 2026 жылғы әлем чемпионатында сәтсіз өнер көрсетіп, Швейцариямен тең ойнап (1:1), Канада (0:6) мен Босния және Герцеговинадан (1:3) жеңілгеннен кейін B тобында бір ұпаймен соңғы орын алды.
Ахмет Ержанов