«Оған уақыт керек»: «Астана» бапкері – жаңадан келген Буричтің бабы туралы

Елордалық «Астананың» бас бапкері Григорий Бабаян ASnews.kz тілшісінің хорватиялық шабуылшы Никола Буричтің физикалық бабы туралы сұрағына жауап берді.

– Жаңадан келген Никола Буричтің ойыны туралы пікіріңіз қандай және ол Кәрімовтің орнын баса ала ма?

– Біріншіден, ол екі айдан астам уақыт бойы ресми матчтарда ойнаған жоқ, сол себепті бабына келуі үшін оған уақыт беріп жатырмыз. Қазір ол өзінің бапты бабынан әлі алыс, уақыт қажет. Жалпы, командада бойшаң әрі жылдам екінші шабуылшының пайда болғаны жақсы, бірақ ойын ырғағына кіру үшін оған уақыт керек, – деді Бабаян.

29 жастағы хорватиялық форвард Никола Бурич шілдедегі трансферлік терезеде «Астана» құрамын ресми түрде толықтырды. Загребтік «Динамоның» түлегі бұған дейін хорватиялық «Рудеш», словениялық «Домжале» мен «Копер», италиялық «Новара» және «Леньяго Салус» клубтарында өнер көрсеткен. Оның соңғы клубы албаниялық «Эгнатия» болды (2025/26 жылғы маусымда 33 матч өткізіп, алты гол соқты).

Еске сала кетейік, ҚПЛ-дың 19-турында «Астана» «Алтайды» 4:1 есебімен жеңген болатын. Бабаянның шәкірттері 32 ұпаймен турнирлік кестенің үшінші сатысында келеді.

ҚФФ «Ұлытау»–«Ертіс» матчына тексеріс жүргізеді