Чебурин «Атыраудың» бәсеңдеуі туралы: «Елімайды» жеңгеннен кейін зейінді жоғалтып алдық

«Атыраудың» бас бапкері Владимир Чебурин ASnews.kz сайтына берген сұхбатында ҚПЛ-дың 19-турында «Тобылдан» жеңілгеннен кейінгі (0:1) пікірін білдірді.

«Тобыл» бір нүктеге соққы жасады ма?

«Оң жақ қапталда бірнеше қателікке жол берілді. Мысалы, қарсылас алғашқы шабуылын дәл содан бастады, ал екіншісінің нәтижесінде гол жіберіп алдық. Анық-қанығын бірден түсіне алмадық. Бапкерлік нұсқаулардан кейін белсендірек жұмыс істей бастадық».

Қақпашылар таңдауы: Хаткевич пе, әлде Тоқтаров па?

«Ұзақ уақыт бойы ең аз гол жіберетін командалардың бірі болдық, ал қазір соңғы төрт турда өз қақпамыздан сегіз доп көрдік. Салыстырмалы түрде айтсақ, өткен 15 кездесуде бары-жоғы тоғыз гол өткізген едік. Бірақ қақпашылар бізді жиі құтқарады, қателік кез келген адамда болуы мүмкін.

Бұл жағдайдағы құрам ротациясы Тоқтаровтың мақсатшылдығымен түсіндіріледі. Бапкерлер штабы оның әр жаттығуда бар күшін салатынын көріп жүр, сондықтан осындай мүмкіндік бердік. Шынында, оның ескі жарақаты қайта сыр беріп қалды».

«Мұнайшылар» дағдарыста ма?

«Каспийге» қарсы ойындарда «Атырау» «Елімайды» жеңгендіктен (2:1) толықтай зейін қоя алмады. Өз алаңымызда есеп 1:1 болып тұрғанда мүмкіндіктеріміз бар еді, бірақ гол жіберіп алдық. Ал «Қайрат» жылдам голдар соқты, дегенмен бірінші таймды 3:3 есебімен де аяқтауға болар еді.

Ал «Тобылға» келер болсақ, бұл – жылдам қапталдары бар еурокубок қатысушысы», – деп қорытындылады 61 жастағы маман.

Еске сала кетейік, қостанайлық ұжым Урош Миловановичтің соққан голының арқасында өз алаңында жеңіске жетті. Бұл жеңілістен кейін «Атырау» турнирлік кестеде 13-орынға сырғыды.

Сондай-ақ матчтың 87-минутында «мұнайшылар» алаңда азшылықта қалды. Қорғаушы Санжар Сатанов қысқа уақыт ішінде екі рет ескерту (сары қағаз) алып, алаңнан қуылды.

«Қазақстан ӘЧ-ге шығу үшін адамдар футболды сүюі керек»: Йонсен – «Қайратпен» өткен матч және алтын үшін талас туралы

«Жастарды тартамыз»: «Тобыл» бапкері жаңа шабуылшы, ротация және Жұмашев туралы айтты