«Жеңістің» легионері ҚПЛ деңгейі туралы: Чехиядан анық әлсіз

«Жеңістің» қаптал қорғаушысы Патрик Кпозо ASnews.kz сайтына берген сұхбатында ҚПЛ-ды өзі бұған дейін өнер көрсеткен Молдова мен Чехия чемпионаттарымен салыстырды.

«Чехия – бір бас жоғары. Олар әлдеқайда алда. Бірақ Қазақстан чемпионаты Молдованікінен сөзсіз артық, өйткені онда чемпиондық тұғырда тек «Шериф» қана тұр. «Петрокуб» тек бәсеке танытуға тырысып жүр», – деді ганалық футболшы.

Еске сала кетейік, 29 жастағы Патрик Кпозо «Жеңіс» сапына маусым айында ауысты. Бұған дейін сол жақ қорғаушы молдовалық «Шерифте», чехиялық «Баникте», сондай-ақ швециялық АИК пен «Эстерсундта» өнер көрсеткен. Соңғы ұжым сапында ол белгілі маман Грэм Поттердің қол астында жұмыс істеді.

Гана құрамасының ойыншысы ҚПЛ жарыс кестесінде сегізінші орында келе жатқан астаналықтар сапында алты матч өткізіп үлгерді.

«Антониді жеп қойдым»: ҚПЛ легионері – «МЮ-ге», Роналдуға және «Ливерпульдегі» досына қатысты

«Гуаль Сәтпаевтың орнын баса алмайды»: «Ордабасы» легионері Дастанның «Челсиге» ауысуы жайлы