«Ордабасы» кипрлік қорғаушыны қатарға қосуды көздеп отыр

Кипрлік «Красава» клубының орталық қорғаушысы Иродотос Христодулу мансабын «Ордабасыда» жалғастыруы мүмкін, деп хабарлайды ASnews.kz.

«Ордабасы» Кипр жастар құрамасы сапында 11 матч өткізген 24 жастағы қорғаушыға қызығушылық танытуда. Оның ел жоғары дивизионында 10-орында тұрған клубпен келісімшарты бірнеше күннен кейін – 31 мамырда аяқталады.

Айта кетейік, ағымдағы маусымда Иродотос Христодулу 29 матчқа қатысып, төрт гол және бір ассистпен көзге түсті. Сондай-ақ, ол тірек жартылай қорғаушысы позициясында да ойнай алады.

Футболшының трансферлік құны 300 мың еуроға бағаланып отыр. Бұған дейін ол австриялық «Бишофсхофен» және чехиялық «Йиглава» клубтарында өнер көрсеткен.