«Ақтөбе» мәлімдеме жасады: Мұқановтың сөздері шындыққа жанаспайды

«Ақтөбе» футбол клубы команданың матч-менеджері міндетін атқарды делген Арон Мұқановтың мәлімдемесіне жауап берді, деп хабарлайды ASnews.kz.

Біздің порталымызға берген түсініктемесінде «ақ-қызылдардың» өкілі Мұқановтың қаңтар мен мамыр айлары аралығында жұмысқа орналасқаны және оған жалақы төленбегені туралы ақпаратты теріске шығарды:

«Бүгінгі жарияланымдарыңызға байланысты, аталған азаматтың ешқашан клуб штатында болмағанын және оның қызметкері ретінде тіркелмегенін ресми түрде мәлімдеуді жөн деп санаймыз.

Сондай-ақ, оның клубқа қатысты жасаған мәлімдемелері шындыққа жанаспайтынын хабарлаймыз.

Клуб қызметкерлерінің абыройына, қадір-қасиетіне және іскерлік беделіне нұқсан келтіретін жалған ақпараттың таралуына байланысты, біз аталған мәлімдемелерге құқықтық баға беру үшін құқық қорғау органдарына жүгіну құқығымызды өзімізде қалдырамыз», – деп мәлімдеді «Ақтөбе» клубы.

Арон Мұқановтың айтуынша, ол 8 қаңтарда басқарманың экс-төрағасы Арман Оспановпен «Ақтөбеде» жұмыс істеу туралы ауызша келісімге келген. Маман матч-дэйлерді ұйымдастырумен және билет-абонемент жобасымен айналысқан болатын.

«Бұл ҚПЛ көшбасшысы емес, «Дом-2»: «Ақтөбенің» экс-матч менеджері – басшылықтағы хаос туралы