UFC экс-файтері «Ақтөбенің» жаңа қаһарманы туралы: Латурнустың жаңа Самородовқа айналарын уақыт көрсетеді

Жастық шағында «Ақтөбенің» жастар құрамасында ойнаған UFC-дің бұрынғы файтері Сергей Морозов ASnews.kz тілшісіне берген сұхбатында 17 жастағы шабуылшы Виталий Латурнустың дамуына баға берді.

«Виталийді дубльде ойнап жүрген кезінен бастап бақыладым. Өткен маусымда біз онымен, Маркпен (Богачев), Нұрдәулетпен (Төреғали), Хасенмен (Артурұлы) және Марғұланмен (Амантурлин) бірге жұмыс істедік, бәріміз дос болып кеттік. Бұл жігіт өзінің еңбекқорлығымен және тәрбиелілігімен ерекшеленеді: мысалы, егер жаттығуға келе алмайтын болса, міндетті түрде алдын ала ескертетін.

Латурнустың әрдайым қақпаны көздейтінін ерекше атап өткім келеді. Бүгін де допты қабылдап алып, қайшылап теуіп гол соқты. Ол алаңға алмасуға шығып бара жатқанда: «Қазір мына жас жігіт гол соғады», – дедім. Екі нәтижелі пастан кейін дәл осылай болғанына өте қуаныштымын. Виталийдің Самородовтың деңгейін бағындыра алар-аузын уақыт көрсетеді», – деді Морозов.

ҚПЛ-дың оныншы турында «Атырау» қақпасына гол соққан Виталий Латурнус «ақ-қызылдарға» бір ұпай сыйлады (1:1). Бұған дейінгі матчтарда жас түлек Луиш Нани мен Артур Шушеначевке нәтижелі пас шығарып берген болатын.

Айта кетейік, 2010 жылдардың басында UFC-дің ең жеңіл салмақтағы экс-файтері Сергей Морозов «Ақтөбе-Жас» сапында өнер көрсеткен.