«Ертістің» бұрынғы ойыншысы: Қазақстаннан клуб сатып алып, жастарды дамытуға дайынмын

«Ертіс» пен Қазақстан жасөспірімдер құрамасының экс-қорғаушысы Мидат Галбаев ASnews.kz сайтына берген сұхбатында отандық клубтардың біріне иелік ету жоспары бар екенін айтты.

«Турловқа «Шахтер» тегін тиді десе болады, өйткені 55 млн теңге – бұл нағыз күлкілі баға. Енді оларға да, «Ертіске» де мемлекеттік қаржыландыру кезіндегідей Румыния мен Болгария легионерлерін асырамай, жастарға сенім арту керек.

Клуб сатып алуға дайынмын ба? Еуропада – жоқ, өйткені біздің менталитетіміз мүлдем бөлек. Паспортымды ешқашан айырбастамаймын және өз еліме пайда тигізгім келеді. Сондықтан болашақта мұндай нұсқаны қарастырамын», – деді 29 жастағы экс-футболшы.

Мидат Галбаев кәсіби мансабын 23 жасында аяқтаған. 2019 жылы ол «Нитраға» ауысып, Словакия чемпионаты тарихындағы алғашқы қазақстандық атанды. Сондай-ақ Молдованың «Зимбру» және Болгарияның «Верея» клубтарында ойнаған.

Қазіргі таңда ол Швейцарияда Forbes тізіміндегі кәсіпкерлердің қаржысын басқарады. Оның хедж-қорының активінде 4,5 млрд доллар бар. Галбаевтың әкесі Оңтүстік-Шығыс Еуропадағы шарап зауытының иесі.