«Жальгирис» ардагері Чебурин туралы: Литвада табысты болды, «Атырауда» да солай болады

«Жальгирис» пен Литва құрамасының бұрынғы жартылай қорғаушысы Саулюс Миколюнас ASnews.kz сайтына берген сұхбатында Владимир Чебуриннің «Атыраудағы» жетістіктеріне таңғалмайтынын мәлімдеді.

«Соңы сәтсіздеу аяқталғанына қарамастан, Чебуриннің Литвада 11 жүлде жеңіп алғанын есте сақтау маңызды. Ол – біздің лига тарихындағы ең табысты бапкерлердің бірі, сондықтан оның «Атырауда» жақсы нәтиже көрсетіп жатқаны таңғаларлық жағдай емес.

Владимирдің келуімен «Круоя» алғаш рет күміс медаль жеңіп алды, ал қазір ол клуб таратылып кеткен. «Судува» ұзақ уақыт бойы үздіктер қатарына кіре алмады, бірақ қорытындысында «Жальгиристі» тұғырдан ысырды. Ол осы команданы (Жальгиристі) басқарған кезде де қайтадан чемпионатты жеңіп алды, сондықтан Чебуриннің мықтылығын оның түйіндемесі дәлелдеп тұр», – деп атап өтті Миколюнас.

Естеріңізге сала кетейік, ҚПЛ-дың биылғы маусымында Владимир Чебуриннің жетекшілігіндегі «мұнайшылар» әлі жеңіліс дәмін татқан жоқ. Төртінші турдағы «Ордабасыға» қарсы шулы матчта төреші Санжар Ысқақов командаға жеңіс әкелуі мүмкін болған голды бұзып тастаған еді (1:1).

Бұған дейін 60 жастағы қазақстандық маман Литвада 10 жыл жұмыс істеп, сол аралықта алты рет чемпион атанып, елдің үш Кубогы мен екі Суперкубогын жеңіп алған.