ФИФА-ның экс-төрешісі «Ертіс» қақпасына белгіленген екі пенальти туралы: абайсыздық үшін жазалау керек

ФИФА-ның бұрынғы төрешісі Сергей Лапочкин ASnews.kz сайтына берген сұхбатында ҚПЛ-дың бесінші турындағы «Оқжетпес» пен «Ертіс» (2:1) арасындағы матчта болған эпизодтарға баға берді.

72-ші минут

«Шабуылшы (Кузьмичев – еск.) ыңғайланып, допты қабылдады, кенеттен арт жақтан оның аяғынан (Нечаев) шалып қалды. Осылайша оған өзі қалаған әрекетті жасауға мүмкіндік бермейді. Сондықтан мен үшін бұл фол, тіпті абайсызда жасалса да – пенальти», – деп санайды сарапшы.

82-ші минут

«Ешкім қақпашыға тізесін алға шығарып, секіруге рұқсат бермейді. Шабуылшы (Жанғылышбай) доппен ойнауды көздеді, бірақ дәл осылай оның арқасынан (Ботнарь) соғады. Жылдамдық жоғары, ал жанасу айқын көрініп тұр. Қақпашы үлгермей қалды, сондықтан абайсыздығы үшін 11 метрлік айып добымен және сары қағазбен жазалануы тиіс», – деп қосты ресейлік маман.

Естеріңізге сала кетейік, пенальтиден соғылған екі голдың арқасында көкшетаулықтар «Ертісті» жеңді. Чемпионат басталғалы Ринат Алюетовтің командасы бірде-бір рет жеңіліс тапқан жоқ.

Айта кетейік, Сергей Лапочкин – Ресейдегі 2018/19 маусымының үздік төрешісі. Бүгінгі таңда ол телеарнада сарапшы болып жұмыс істейді.