«Эльче» ойыншысы «Барселонадағы» қазақ туралы: көпшіліктің арасынан ерекшеленіп тұратын

«Эльче» академиясының 15 жастағы шабуылшысы Әліжан Юн ASnews.kz сайтына берген сұхбатында «Барселонамен» келісімшартқа отырған Кәрім Меңдіқанов туралы айтып берді.

«Мен Кәрімді бұрыннан білемін. Біз «Astana Junior» сапында бірге өнер көрсеттік, тек мен 2009/10 жылғылар командасында, ал ол 2011/12 жылғылар құрамында ойнады. Кейде кездесіп қалатынбыз. Бұл жігіт басқалардың арасында ерекшеленіп тұратын: өте жылдам және бірге-бір шыққанда мықты еді», – деді Юн.

Mundo Deportivo басылымының ақпаратынша, жақын арада «Барселонаның» жасөспірімдер командасының сапын 15 жастағы Кәрім Меңдіқанов толықтырады. Қазақстандық футболшы Испанияда 2022 жылдан бері өнер көрсетіп келеді. Биылғы маусымда ол «Сан-Кугат» сапында 20 матч өткізіп, екі гол соқты.

Айта кетейік, 2019 жылы вингер Әліжан Юн мадридтік «Реалдың» байқауынан да өткен болатын. Футболшы «Эльче» үшін 19 ойынға қатысып, бес голмен көзге түсті.